صُنع لمن
يطلب التميز

قصتنا بتبدأ من أكتر من 70 سنة في تجارة الأدوات المنزلية. البداية كانت مع الجيل الأول اللي دخل المجال بخطوات بسيطة قبل حتى تأسيس أول محل تجاري. التطور الحقيقي حصل بتعاون الجيلين الأول والثاني لافتتاح أول محل، وبعدها الانتقال للمقر الجديد المعروف والمستمر لحد النهاردة باسم "الحاج شعبان مسلم".

مع دخول الجيل الثالث، اتنقلنا من التجارة المحلية للتجارة والاستيراد. اسم "شعبان مسلم" كبر وبقى من الكيانات الأساسية في سوق الأدوات المنزلية، وموزع رئيسي بيغطي كل محافظات الجمهورية بمنتجاتنا المستوردة وغيرها.

دور الجيل الرابع كان مواكبة التطور وتوسيع الرؤية بالاتجاه نحو التصنيع، كخطوة أجدد لمجموعة شعبان مسلم.

من هنا اتولدت علامة "برايم هوم" (Prime Home). الانطلاقة كانت عن طريق 3 شباب هدفهم تطوير أعمال العيلة، بدعم وخبرة الآباء من الجيل الأسبق. بفضل التاريخ الطويل والاحتكاك المستمر بالأسرة المصرية، "برايم هوم" بدأت وهي فاهمة بدقة احتياجات السوق، وعارفة شكاوى العملاء وإزاي تقدم لها حلول عملية.

شاركونا رحلتنا. بنهتم بطلباتكم وآرائكم في كل منتج، وإحنا دايماً سامعينكم عشان نستمر في التطوير ليكم.